काठमाडौं । नेपाल आयल निगमको वार्षिकोत्सवको अवसरमा बुधवार रक्तदान कार्यक्रमको आयोजना गरियो ।
निगमको केन्द्रीय कार्यालय टेकुमा आयोजित रक्तदान कार्यक्रममा एक सय ३१ जनाले रक्तदान गरेका थिए । रक्तदान उप समिति संयोजक बिकास बखतीका अनुसार निगमको ५३ औं वार्षिकोत्सवको अवसरमा सो कार्यक्रम आयोजना गरिएको हो ।
रक्तदान कार्यक्रममा नेपाल रेडक्रस सोसाइटी रक्त संचार केन्द्रले प्रविधिक सहयोग उपलब्ध गराएको थियो ।
