काठमाडौं । सरकारले पप्पु कन्स्ट्रक्सनसहित २९ निर्माण तथा आपूर्तिकर्ता व्यवसायीलाई कालोसूचीमा राखेको छ । सार्वजनिक खरिद अनुगमन कार्यालयले मंगलबार सूची सार्वजनिक गर्दै यस्तो जानकारी गराएको हो ।
कार्यालयका अनुसार विभिन्न सार्वजनिक निकायबाट लेखि आए अनुसार उनीहरुलाई कालोसूचीमा राख्ने निर्णय भएको छ । कालोसूचीमा परेका ठेकेदार कम्पनीहरुलाई साढे दुई वर्ष एक वर्षसम्म कुनै पनि निर्माण तथा ठेक्कामा सहभागी हुन रोक लगाइएको छ ।
ऊर्जा, जलस्रोत तथा सिँचाइ मन्त्रालय, जलस्रोत तथा सिंचाइ विभाग, सिक्टा सिंचाइ आयोजना, नेपालगञ्ज, बाँकेको सिफारिसमा पप्पु कन्स्ट्रक्सनलाई साढे दुई वर्षका लागि कालोसूचीमा राखिएको छ ।
