काठमाडौं । चार वटा कम्पनीको संंस्थापक शेयर आजदेखि लिलामीका लागि खुला भएको छ । प्राइम कमर्शीयल बैंक, प्रभु बैंक, ग्रामिण विकास लघुवित्त वित्तीय संस्था र नेशनल लाइफ इन्स्योरेन्स कम्पनीको संस्थापक शेयर आजदेखि लिलामीका लागि खुला हुने भएको हो ।
प्रुडेन्सियल क्यापिटल म्यानेजम्यान्ट लिमिटेडले आफ्नो स्वामित्वमा रहेको चार कम्पनीको संस्थापक शेयर लिलाम बिक्री गर्न लागेको हो ।
प्रभु बैंकको ५० हजार कित्ता, प्राइम कमर्शीयल बैंकको १ लाख कित्त्ता,ग्रामिण विकास लघुवित्त वित्तीय संस्थाको ३५ हजार कित्ता र नेशनल लाइफ इन्स्योरेन्सको १ लाख कित्ता शेयरका लागि बिक्री प्रबन्धक एन आई सी एशिया क्यापिटलले आजदेखि बिक्री खुला गरेको हो ।
उक्त तीन कम्पनीमा शेयरका लागि न्यूनतम २००० कित्ताका र अधिकतम सबै कित्ताका लागि आवेदन दिन सकिनेछ । प्राइम कमर्शीयल बैंकको शेयर मुल्य २०८ रुपैयाँ, नेशनल लाइफ इन्स्योरेन्सको शेयर मुल्य ४०१ रुपैयाँ, ग्रामिण विकास लघुवित्त वित्तीय संस्थाको शेयर मुल्य ४०० रुपैयाँ र प्रभु बैंकको शेयर मुल्य २०५ रुपैयाँ तोकिएको छ ।
उक्त शेयर खरिदका लागि संस्थापक वा जो कोही व्यक्ति, कम्पनी, संघसंस्थाहरुले आवेदन दिन सक्नेछन् ।
इच्छुुक व्यक्तिले एन आई सी एशिया क्यापिटलमा आवेदन दिन सक्नेछन्।
