काठमाडौं । एभेरेष्ट बैंकले १०.३२ प्रतिशत लाभांशको घोषणा गरेको छ । बैंकको शुक्रबार बसेको सञ्चालक समितिको बैठकले आर्थिक वर्ष ०७७/०७८ को नाफाबाट ६ प्रतिशत बोनस शेयर र ४.३२ प्रतिशत नगद लाभांश गरी कुल १०.३२ प्रतिशत लाभांश दिने लिने निर्णय गरेको हो ।
हाल बैंकको चुक्ता पूँजी ८ अर्ब ८९ करोड ३७ लाख ७ हजार रुपैयाँ रहेको छ । ६ प्रतिशत बोनस शेयरपछि बैंकको चुक्ता पूँजी ९ अर्ब ४२ करोड ७३ लाख ४० हजार रुपैयाँ पुग्नेछ ।
उक्त प्रस्तावित लाभांश अर्थ मन्त्रालय र राष्ट्र बैंकबाट स्वीकृत भइ सञ्चालक समितिले पारित गरेपछि वितरण हुनेछ ।
