जनकपुरधाम । धनुषामा गएराती एक व्यक्तिको हत्या भएको छ । जिल्लाको सबैला नगरपालिका वडा नं १२ रघुनाथपुरमा एक व्यक्तिको हत्या भएको हो ।
धनुषाको हँसपुर नगरपालिका–३ मलहनिया घर भई रघुनाथपुरको हनुमान मन्दिरमा राति बस्दै आएका करिब ४५ वर्षीय बन्ठु राउत गडेरीको गएराती हत्या भएको प्रहरीले जनाएको छ ।
बन्ठुको गएराति धारिलो हतियार प्रहार गरी हत्या भएको प्रहरीले जनाएको छ । प्रहरीले घटनास्थल पुगेर अनुसन्धान शुरु गरेको जनाएको छ ।
