काठमाडौँ । न्यादी हाइड्रो पावर लिमिटेडको आइपीओ खुलेको छ । कम्पनीले आयोजना प्रभावित सर्वसाधरणको लागि भदौ १ गतेदेखि आइपिओ बिक्रि खुल्ला गरेको छ । कम्पनीले १८ लाख कित्ता शेयर बिक्रि खुल्ला गरेको हो ।
जसमध्ये आयोजनाबाट अति प्रभावित क्षेत्र लमजुङ जिल्लाको मर्स्याङदी गाउँपालिका वडा नम्बर ३,६,७ र ८ का स्थानिय बासिन्दालाई ५ लाख कित्ता शेयर छुट्याएको छ । यसबाहेक लमजुङ जिल्लाका अन्य क्षेत्रमा बसोबास गर्ने स्थानिय हरुको लागि १० लाख कित्ता शेयर छुट्याएको छ ।
कम्पनीको संस्थापक शेयरधनी संस्था बुटवल पावर र लमजुङ विद्युत् विकासका कर्मचारीहरुको लागि ३ लाख कित्ता शेयर छुट्याएको छ ।
लगानीकर्ताले प्रतिकित्ता १०० रुपैयाँको दरले न्युनतम १० कित्तादेखि अधिकतम् ५० हजार कित्ता शेयरमा आवेदन दिन सक्नेछन् । कम्पनीको विक्रि प्रवन्धकमा ग्लोबल आइएमई क्यापिटल रहेको छ ।
कम्पनीको शेयर निष्काशन बन्द छिटोमा भदौ १५ गते हुनेछ भने ढिलोमा भदौ ३० गते हुनेछ।
