काठमाडौँ । पुँजीबजारको विषयमा अर्थमन्त्रीले गभर्नरलाई कसका स्वार्थका निम्ति फोन गरेको भनेर प्रतिनिधिसभाको बैठकमा प्रश्न उठेको छ । शुक्रबार सांसद प्रेम सुवालले अर्थमन्त्रीले कसका स्वार्थपुर्तिका लागि फोन गरेर शेयर बजार बढाएको भन्दै प्रश्न गरेका हुन् ।
पुँजीबजार ओरालो लागेपछि सोमबार अर्थमन्त्री जनार्दन शर्माले गभर्नर महाप्रसाद अधिकारीलाई फोन गरेका थिए । उक्त फोनपछि शेयरबजारले थोरै भएपनि राहत पाएको थियो ।
सुवालले सय डेढ सय ठुला लगानीकर्ताको स्वार्थ पुरा गर्न फोन गरेको भन्दै आपत्ती जनाएका छन् । उनले भनेका छन् अर्थमन्त्रीले श्रमिकका लागि फोन गरेको हैन ठुला लगानीकर्ताको स्वार्थमा फोन गरेका हुन् ।
