काठमाडौं । चालू आर्थिक वर्षको पहिलो ५ महिनामा नेपालले १ अर्ब रुपैयाँ भन्दा बढी रकमको सिमेन्ट निर्यात गरेको छ । भन्सार विभागको तथ्यांक अनुसार आर्थिक वर्ष २०८१/८२ को साउनदेखि मंसिर मसान्तसम्ममा १ अर्ब ४ करोड रुपैयाँ बराबर रकमको सिमेन्ट निर्यात भएको हो ।
५ महिनामा १ अर्ब ४ करोड ४३ लाख बराबरको ६ लाख ९९ हजार ५१० मेट्रिक टन सिमेन्ट भारततर्फ निर्यात भएको छ । जसमध्ये ३८ करोड ८२ लाख ६२ हजार रुपैयाँको ४ लाख ३६ हजार ९०६ मेट्रिक टन क्लिङ्कर निर्यात भएको छ ।
यसै गरी ६५ करोड ६० लाख ४० हजार रुपैयाँको २ लाख ६२ हजार ६०४ मेट्रिक टन सिमेन्ट निर्यात भएको छ ।
