काठमाडौं । हिमालयन बैंकको एफपीओ बाँडफाँट भएको छ। बैंकको एफपीओ मंगलबार बिहान कमलादी, काठमाडौँस्थित आफ्नै कार्यालयमा बाँडफाँट भएको हो।
एफपीओमा कुल १८ लाख २५ हजार ९२२ जनाले आवेदन दिएका थिए । जसमध्ये १ लाख २१ हजार ६४९ को आवेदन अस्वीकृत भएको छ ।
जसमध्ये ९ लाख २५ हजार ४६ जनाले शेयर पाएका छन् । जसमा ९ जनाले ११ कित्ताका दरले शेयर पाएका छन् भने ९ लाख २५ हजार ३७ जनाले १० कित्ताका दरले पाएका छन् ।
बैंकले प्रतिकित्ता १०० रुपैयाँमा ५७ रुपैयाँ प्रिमियम थप गरी कुल १५७ रुपैयाँमा गत असार ३१ गतेदेखि साउन ४ गतेसम्म ९२ लाख ५० हजार ४६९ कित्ता एफपीओ निष्काशन गरेको थियो।
