काठमाडौं । नयाँ सारथी लघुवित्तको लाभांश सुरक्षित गर्ने आज अन्तिम दिन रहेको छ । कम्पनीले आर्थिक वर्ष २०७७/७८ कोे मुनाफाबाट शेयरधनीहरुलाई चुक्ता पूँजीको १९ प्रतिशत बोनस शेयर र कर प्रयोजनका लागि समेत १ प्रतिशत नगद लाभांश वितरण गर्ने प्रस्ताव गरेकाे छ । साे प्रयार्जनका लागि कम्पनीले चैत २३ गते बुक क्लोज गर्ने निर्णय गरेको हो ।
यस अनुसार चैत २२ गतेसम्म कायम भएका शेयरधनीहरुले कम्पनीको साधारण सभामा सहभागि हुन र कम्पनीले वितरण गर्ने बोनस शेयर र नगद लाभांश पाउनेछन् । उक्त कम्पनीको वार्षिक साधारणसभा वैशाख १० गते हुने भएको छ ।
सो साधारणसभाले आर्थिक वर्ष २०७७/७८ कोे मुनाफाबाट शेयरधनीहरुलाई चुक्ता पुँजीको १९ प्रतिशत बोनस शेयर र १ प्रतिशत कर प्रयोजनका लागि समेत नगद लाभांश गरी कुल २० प्रतिशत लाभांश वितरण गर्ने प्रस्ताव पारित गर्नेछ।
