काठमाडौं । आइतबारको शेयर बजार स्थिर देखिएको छ । आजको बजारमा ०.६६ अंकको झिनो वृद्धि भएर ३ हजार १ सय ८ दशमलव १२ विन्दुमा पुगेको छ । बजारमा १४ अर्ब ३० करोडको कारोबार भयो ।
नेप्से स्थिर देखिए पनि बजारमा ६ कम्पनीको मूल्यमा सकारात्मक सर्किट लागेको छ । कर्पोरेट डेभलपमेन्ट बैंक, युनिभर्सल पावर, जीवन विकास लघुवित्त, ङादी पावर कम्पनी, युनियन लाइफ इन्स्योरेन्सको मूल्यमा सकारात्मक सर्किट लागेका हुन् ।
उपसमूहका सूचकमा मिश्रित रहेको बजारमा आज हाइड्रो समूहको उछाल देखिएको छ ।
