काठमाडौं । शेयर बजारमा ठूला लगानीकर्ताबाट हुने चलखेल रोक्न राष्ट्र बैंकले नयाँ व्यवस्था गरेको छ । मौद्रिक नीति सार्वजनिक गर्दै राष्ट्र बैंकले शेयर धितोमा प्रवाह हुने मार्जिन प्रकृतिको कर्जामा सीमा तोकेको हो ।
राष्ट्र बैंकक अनुसार अब एउटै व्यक्तिले एउटा बैंक तथा वित्तीय संस्थाबाट अधिकतम शेयर धितोमा ४ करोड मात्रै कर्जा लिन सक्नेछ । धेरै बैंक तथा वित्तीय संस्थामा समेत अधिकतम १२ करोडसम्म मात्रै कर्जा लिन पाउने व्यवस्था गरिएको छ ।
यद्यपि अहिले यो सीमाभन्दा बढी कर्जा उपभोग गरेका लगानीकर्तालाई भने कर्जा अवधिसम्मको लागि यस्तो सीमामा छुट हुनेछ ।
