काठमाडौं । प्रभु बैंकको १७ लाख कित्ता भन्दा बढी शेयर एकै पटक बिक्री गर्न लागिएको छ । विभिन्न ५ जनाको नाममा रहेको संस्थापक शेयर बिक्री गर्न लागिएको हो ।
संस्थापक शेयरधनीहरु खगेन्द्र भट्टचनको १,२५,००० कित्ता, श्रवण कुमार मोरको २,५८,७७५ कित्ता, राजकुमार मोरको २,६८,८०० कित्ता, शतीशकुमार मोरको ३,५२,८०० कित्ता, सुरेश प्रसाद चौधरीको २ लाख कित्ता र ध्रुवचन्द्र धितालको ५,५७,५४९ कित्ता शेयर बिक्री गरिदिनका लागि बैंकमा आवेदन परेको छ । त्यसमध्ये सतीशकुमार मोर नेपाल उद्योग परिसंघका निवर्तमान अध्यक्ष हुन् ।
उक्त शेयर खरिद गर्न इच्छुक विद्यमान संस्थापक शेयरधनीलाई आवेदन आह्वान गरिएको छ । संस्थापक शेयरधनीबाट माग नभए सर्वसाधारणमा बिक्री गरिने समेत उल्लेख गरिएको छ ।
