काठमाडौं । डिप्रोक्स लघुवित्त वित्तीय संस्थाले लाभांश घोषणा गरेको छ । आर्थिक वर्ष २०७७÷७८ को नाफाबाट कम्पनीले २१.०५३ प्रतिशत लाभांश घोषणा गरेको हो ।
उक्त लाभांशमध्ये २० प्रतिशत बोनस शेयर र १.०५३ प्रतिशत नगद लाभांश वितरण हुनेछ । कम्पनीको हालको युक्ता पुँजी १ अर्ब १५ करोड ६२ लाख रुपैयाँ रहेको छ । यो चुक्ता पुँजीका आधारमा लाभांश दिँदा कम्पनीले कुल २४ करोड ३४ लाख रुपैयाँ लाभांश वितरण गर्नेछ ।
यो लाभांश राष्ट्र बैंकबाट स्वीकृत भइ साधारणसभाले पारित गरेपछि वितरण हुने कम्पनीले जनाएको छ । लाभांश वितरणसँगै कम्पनीको चुक्ता पुँजी १ अर्ब ३८ करोड रुपैयाँ नाघ्नेछ ।
