काठमाडौं । तीन कम्पनीको बोनस शेयर नेप्सेमा सुचीकृत भएको छ । यसरी सुचीकृत हुनेमा साना किसान विकास लघुवित्त, बिन्ध्यवासिनी हाइड्रोपावर र लक्ष्मी सनराइज बैंक रहेका छन् ।
साना किसान विकास लघुवित्तको १३.३० प्रतिशत बोनस बापतको ५० लाख ६३ हजार ४ सय ७७ कित्ता बोनस शेयर नेप्सेमा सुचीकृत भएको छ । त्यस्तै, विहीबार बिन्ध्यवासिनी हाइड्रोपावरको ७.६० प्रतिशत बोनस बापतको ७ लाख ९८ हजार कित्ता बोनस शेयर नेप्सेमा सुचीकृत भएको छ ।
त्यस्तै, लक्ष्मी सनराइज बैंकको ५ प्रतिशत बोनस बापतको १ करोड १५ लाख ९३ हजार ५ सय ७७ कित्ता बोनस शेयर नेप्सेमा सुचीकृत भएको छ । यसरी तीन कम्पनीको बोनस शेयर नेप्सेमा सुचीकृत भएसँगै दोस्रो बजारमा कारोबार गर्नको लागि योग्य भएको छ ।
