काठमाडौं । शेयर बजारमा लगातार गिरावट आएको छ । नेपाल स्टक एक्सचेञ्ज (नेप्से) १४.८८ अंकले घट्दा २ हजार ४ सय ९८ दशमलव ५३ मा पुगेको छ । सोमबार कारोवार रकममा भने बृद्धि भएको छ । आज २ सय २६ कम्पनीको १ अर्ब ५८ करोड बराबरको ३४ लाख २९ हजार कित्ता किनबेच भएको छ ।
आज कारोवारमा आएका सबै परिसुचकको समुहहरु घटेका छन् । आज सबैभन्दा बढी कारोवार इमर्जिङ नेपालको भएको छ । यस कम्पनीको ६ करोड ३९ लाख रुपैयाँको बराबरको कारोबार भएको हो । त्यस्तै, नबिल बैंकको ५ करोड ६७ लाख रुपैयाँ बराबरको कारोवार भएको छ ।
त्यस्तै, आज ३ कम्पनीको शेयर मुल्यमा सकारात्मक सर्किट लागेको छ । सकारात्मक सर्किट लाग्नेमा राष्ट्र उत्थान लघुवित्त, नेष्डो समृद्ध लघुवित्त र इमर्जिङ नेपाललको शेयर मुल्यमा सकारात्मक सर्किट लागेको हो ।
